Catalan, Arnaut: Amics N'Arnautz, cent dòmnas d'aut paratge...

Amics N’Amautz, cent dòmnas d’aut paratge
E non pòdon lai complir lor vïatge,
Ni çai tornar per nulha ren que sia,
Si non o fan per aital covinen
Qu'un pet façatz que mòva un tal ven
Que las dòmnas vadan a salvamen.
Fèr-l'etz o non? que saber o volria.
        
Sénher En Coms, eu ai un tal usatge
Qu'adès mantenh dòmnas e drudaria ;
E si be'l petz no'm vengués d'agradatge,
Faria lo, car si eu no'l fazia,
Falhiria vas dòmnas malamen.
E dic vos ben que s'ilh per altramen
Non podion anar a salvamen
Après lo pet, totz me concagaria.
        
Amics N'Arnautz, tròp parlatz malamen
Et auretz ne gran blasme de la gen,
(Que) passar voletz tan bèl còrs avinen
Ab vent de cul en tèrra de Suria.
        
Sénher En Coms, mout es mielhs per un cen
Qu'ieu faça'l pet, que tan gai còrs plazen
Se perdesson per fòl ensenhamen,
Qu'ieu'm puòsc lavar quan concagatz seria.