Ez az oldal sütiket használ

A portál felületén sütiket (cookies) használ, vagyis a rendszer adatokat tárol az Ön böngészőjében. A sütik személyek azonosítására nem alkalmasak, szolgáltatásaink biztosításához szükségesek. Az oldal használatával Ön beleegyezik a sütik használatába.

Frashëri, Naim: Fyelli

Frashëri, Naim portréja

Fyelli (Albán)

Pa dëgjo fyellin ç’thotë

Tregon mërgimet e shkreta,

Qahet nga e zeza botë

Me fjalë të vërteta.

 

Që kur se më kanë ndarë

Nga shok’ e nga miqësija,

Gra e burra kanë qarë

Nga ngashërimet e mija!

 

Krahërore e kam çpuar

E kam bëre vrima vrima,

Dhe kam qar’ e kam rënkuar

Me mijëra psherëtima!

 

Dhe me botën e gëzuar

Bëhem shok edhe marr pjesë,

Dhe me njerës të helmuar

Bënem mik me besa-besë.

 

Puna si do që të bjerë

Unë qanj me mallëngjime,

Më çdo vënt e kur-do-herë

Psherëtin zëmëra ime!

 

Gjithë bota më dëgjojnë

Po së jashtëmi më shohin,

Dëshirën s’m’a kupëtojnë

Zjar’ e brendëshmë s’m’a njohim.

 

Njerëzit me mua rrinë,

Unë qanj’ e mallëngjehem,

Po dufn’ e pshehtë s’m’a dinë

Andaj kurrë s’përdëllehem.

 

Gjith’ ata që janë ndarë

Fyellit shokë ju bënë,

Shkallët’ e tij disa farë,

Na shkalluan mëndjen tënë.

 

Rrëmet i njerëzisë!

Zër’ i fyellit s’ësht’ erë,

Ky ësht’ zjarr’ i dashurisë

Që i ra kallamit mjerë!

 

I ra qiellit e ndriti,

I ra zëmrësë e nxehu,

I ra verës e buçiti,

I ra shpirtit, dhe e dehu.

 

I dha erë trëndafilit

I dha dritë bukurisë,

I dha këngëtë bilbilit,

I dha shije gjithësisë.

 

Ay zjar i ra në qiej,

Edhe duke përvëluar,

U bënë kaq yj e diej,

Që i mba Zoti ndër duar,

 

Nga ky zjar Zot’ i vërtetë,

Që ka ngehur gjithësinë,

Hoth një shkëndijë në jetë,

Dhe bëri soje njerinë.

 

More zjar i bekuar!

Unë me ty jam përzjerë,

Pa jam tretur e kulluar,

Po të kam shpirt, mos më lerë.



FeltöltőP. T.
Az idézet forrásahttp://guribardhe.albanianforum.net

Kérjen fordítást!

Ön itt és most kérheti, hogy valaki fordítsa le Önnek (és a világnak) ezt a művet is egy másik nyelvre. Mi eltároljuk a kérését és megmutatjuk mindenkinek, hátha valaki vágyat érez majd, hogy teljesítse azt. De nem ígérhetünk semmit sem ... Ha megadja az e-mail címét is, akkor azonnal értesítést küldünk Önnek, amint elkészült a fordítás.

NyelvKérések+1
Magyar2

Kérek egy e-mailt, amikor elkészül a fordítás:


minimap